Juletre, Utvikfjellet tidlegare i dag

Tretti dagar utan nye innlegg, ei slags personleg beste/verstenotering, ei hending som kan noterast i den minste av alle notisbøker. Jul i nordfjord er beint fram fabelaktig. Vi har familie, mat (for Napoleon og heile hans hær), snø, peisvarme, lysande stjerner, islagte vatn og stablar av fri tid. I dag har eg funne fram den gamle sparkstøttingen, pussa meiene og gjort livet utrygt i sentrumsgatene. I kombinasjon med aking, skigåing og skøyteløping nærmar eg meg no fem om dagen, framleis god jul!

Det er lenge sidan eg har brukt så mykje tid krypande og rullande rundt på golvet. Eg kan hugse at det tidlegare var eit problem at eg fekk hol på bukseknea, slik er det ikkje lenger.