Sidan sist har ein vore på hotell i hovudstaden, blitt snakka til på engelsk av nordmenn, køyrd mykje heis, møtt Super Mario på Fløyen (ingen magisk sopp inne i biletet) og ikkje minst gått på ski i Fjellveien(!).

Nytt år karar og kvinner, nytt år

I den grad Bergen er sivilisert er ein no attende i sivilisasjonen, litt ordknapp men ved særs godt mot. Eg viser til nyårshelsinga frå 2007.

Snøfjellet i ettermiddagssol, knips #200 med det nye kompaktkameraet

Det har vore nokre heilt fantastiske skidagar her i nordfjord, med dagens tur til Svinestranda (1074 moh) og gårsdagens tur til Snøfjellet (cirka samme høgda), er vi no oppe i sju turar på sju dagar. Om ein over hovudet skal ha nokon sjanse til å ta unna all julematen er det denne frekvensen ein må opp i (eg kom til fem ulike dessertar etter dagens tullaklingmiddag). Alt er med andre ord ved det gamle, no like før det nye.