Arkiv for 'Litteratur' kategorien
Stiløvingar
tysdag, 1. november, 2005
Eg fann berre det engelske omslaget på boka.
På mine reiser i nord møtte eg unge lovande Watne som gav meg dette heilheite tipset: Lån Exercises de style av Raymond Queneau. På norsk heiter den Stiløvingar og er omsett av sjølvaste Ragnar Hovland. Det skulle love godt tenkte eg. Og det gjorde det. (For dei som treng meir info: Boka byrjar med eit enkelt notat, og så følgjer alle andre moglege måtar å skrive dette notatet på. Stor stas.)
Eg sender herved tipset vidare, om du er imot slik låning, eller berre ikkje heilt trur meg med det første, sjå berre her:
Exercises de style av Raymond Queneau, på norsk sjølvsagt
H for hemmeleg agent
torsdag, 14. juli, 2005
Mellom regnskylla har vi hatt nokre dagar med strålande sol - desse dagane må sjølvsagt takast vare på så godt som mogleg. Etter mange års røynsle med fåtallige soldagar har eg landa på at nokre av desse dagane godt kan nyttast til slanging i parken. Mellom laust prat, bocciaspeling og slumring er det alltid fint å forville seg inn i ei bok. Smått tilfeldig eller ei, i sommar har det blitt mykje som laust kan kategoriserast som detektivromanar eller krim. Carl Hiaasen svikter jo aldri (eg bruker kvar ei ledig stund til å prakke ei av Hiaasen-bøkene mine på ein eller annan stakkar), i tillegg har vi Graham Greene (Vår mann i Havana) og Carlos Riuz Safòn (Vindens skygge). Det ser med andre ord ut til å bli ein heller lett sommar på bokfronten, så får eg heller dra med meg nokre tungvektarar til Trinidad til hausten. (biletet er sjølvsagt frå bokbyen).
Ubekymra jovialitet
laurdag, 14. mai, 2005
Carl Hiaasen er ein av desse forfattarane eg har gått rundt å hugsa på i lengre tid. Har no fått lest fem av seks bøker eg har liggande. Skamlaust underhaldande er ord som kan brukast, semisatirisk krimkomedie ville vel Dagbladet skrive. I alle høve, Hiaasen er tilrådd alle som treng litt flukt frå eksamenslesing og oppgåveskriving.
Om nokon vil låne følgjande Hiaasen-bøker så sei i frå: (dei styggaste bokomslaga eg har sett på ei tid)
- Splitter pine
- Bedratt av vinden
- Striptease
- Nakenbad
- Hjemme verst
- Farlig fiske
Trur kanskje Farlig fiske er favoritten, truleg fordi det var denne eg las først.
Fleire lister følgjer, følg med!
Fabelaktige fotobøker
sundag, 30. januar, 2005
Som nokre kanskje har fått med seg er eg svært svak for flotte fotobøker, i fjor haust kom det ut ei bok som eg med ein gong visste at eg måtte ha - Magnum Stories. I går fekk eg endeleg somla meg til å kjøpe den, no venter eg berre på at den skal ta turen over dammen (halv pris hjå Amazon i forhold til Norli). Vart litt riven med og kjøpte to andre (dyre) fotobøker i tillegg - botsøvelse neste.
Fekk elles laga ein god del kontaktkopiar i går, har no kontaktkopiar av alle filmane mine - ein god følelse.
Kom over denne fotobloggen i går, vel verd ei vitjing.
Internettendensar
torsdag, 13. januar, 2005
Mellomste bror Vengen vel ein mjuk start, og kjem berre med ein link i sitt første innlegg på denne bloggen (og sluttar herved også å omtale seg sjølv i tredje person). Alle kan ha godt av å ta ein tur innom McSweeney’s Internet Tendency . Det er vel eit slags forlag, med litt forskjellige aktivitetar som de kan lese om sjølve. Eg synest iallfall mykje av tinga her retteleg kjekke å lese. Mellom anna er Dave Eggers, mannen bak den fine boka A Heartbreaking Work of Staggering Genius, å treffe her. Ta ein tur, dette er fornøyeleg tidsfordriv.
Skvitt, Skvatt, Skvadulia
laurdag, 13. november, 2004
Nye bøker om foto sidan sist:
- Don McCullin - India
- David Alan Harvey - Cuba
- David Alan Harvey - Divided Soul
- Susan Sontag - On photography
Har innført mellombels fotobokforbod til etter eksamen.
Cellulosen vender tilbake, III
tysdag, 12. oktober, 2004
Ah, alltid fleire bøker. Det er mogleg at det er hausten som gjer det, ikkje veit eg, men det hopar seg i alle fall opp med bøker her heime. Nett no flyt det rundt bøker over alt, ser ut som ein bokbåt i hardt veir. Berre den siste veka har eg fått desse bøkene i hende:
- On being a photographer av konnosørane Bill Jay og David Hurn
- Frys - vellykket nedfrysing av Herr Moro av Roy Anderson med fleire
- Truman Capote - Frokost på Tiffany (har lest den før)
- The Daybooks of Edward Weston (visstnok eit klassisk verk)
- Bystander: A history of street photography av monsørane Westerbeck & Meyerowitz
- The rediscovery of the mind av kranglefilosofen John R. Searle
Vidare har eg lånt meg In the american west og An autobiography av Avedon, samt sjølvmord i skilpaddekafeen og Vegen smal og porten trang av R. H. Og som om ikkje det var nok kjem Susan Sontags On photography i norsk versjon om nokre dagar.
Det eg eigentleg prøver på er å lese ferdig Dans, dans, dans av Murakami - men eg ser at det kan bli ei stund til enno.
Det er haust - ein bør lese bøker skrive av menn
torsdag, 7. oktober, 2004
Kom over eit par bøker eg fekk lyst på i dag, først og fremst fekk eg lyst på “Frys - Vellykket nedfrysing av Herr Moro” av trekløveret Roy Andersson, Kalle Bomann og Istvan Borbas, diverre hadde ikkje Norli/F-Beyer denne inne. Vidare kom eg tilfeldigvis over Peter Larsen si bok om fotohistorie, Album, denne såg ut som noko ein kunne bruke litt tid på, men den var alt anna enn gratis.
Vidare må eg hugse å snuse rundt etter Richard Avedon - In the American West eller An Autobiography, helst den førstnemnde.
Har elles lese “Ei fullstendig oversikt over rockens historie i Fusa kommune”, skrive av ein ung og lovande vestlandsforfattar.
Loading ...