Ein lærer no litt forskjellig. I løpet av den siste veka eller så har eg lært mellom anna dette, i assortert utval:
- jenter er galne. Alle saman.
- det er jamnt over kaldare i Berlin enn dei plassane eg vanlegvis held meg til i Norge. Eg høyrer rykte om 20 minus natt til i dag. Friskt.
- Morten A. Strøksnes skriv godt. Har med andre ord gjort ferdig hans austeuropeiske bilbok no.
- The New Pornographers si siste plate, Twin Cinema, er nesten like bra som alle skulle ha det til (legg herved til denne på lista over gode plater frå 2005).
- ?uestlove er ein fin fyr. Han driv og trommar på nesten alle gode plater innan den sjangeren som i Tyskland går under namnet Black Music. Sist høyrt på The Roots’ Phrenology (ja, eg er nok litt seint ute med denne).
- Woody Allen sine filmar kan vere svært gode. Av ein eller annan grunn har eg aldri sett noko frå den vesle hobbysaksofonisten, men denne veka slo eg til med både Annie Hall og hans nyaste, Match Point (Scarlett!). Retteleg underhaldande.

Andre jordskakande hendingar vil bli lagt til så snart eg får vite om dei. Looking to the future, smiling, singing.

Eg berre lurer: Er det slik at januar er ein dårleg månad uansett kor ein er? Personleg har eg i alle fall alt anna enn varme kjensler for denne månaden. Og no er eg jo som kjent ikkje på min faste opphaldsstad i Vestlandets hovudstad, men Berlin ser ut til å vere mykje som Bergen vinterstid. Muligens kan det vere annleis om ein er på rundreise i, nja, India, til dømes, men eg er jammen ikkje overbevist. På lektorspråk: Eg berre spør.

Sjølv om eg veit om opptil fleire som ikkje er så begeistra for oppsummeringar av året som gjekk, synest eg likevel at ein slik gjennomgang er noko som må gjerast. Om ikkje anna, får ein iallfall framvist litt populærkulturell kompetanse. Så, her kjem det, først musikk eg har komt over dei siste månadane (dette er inga rangering, sjølv om alle veit at mannen med det rare namnet, den store geografiinteressa og dei mange instrumenta laga den finaste plata i 2005):

Sufjan Stevens – Illinois
Kanye West- Late Registration
Common – Be
Hal – Hal
Ben Folds – Songs For Silverman
Josh Rouse – Nashville
Jamie Lidell – Multiply
Antony & The Johnsons – I Am A Bird Now
Teenage Fanclub – Man-Made
The Arcade Fire – Funeral
Steely Dan – Pretzel Logic
Steely Dan – Can’t Buy A Thrill
D’Angelo – Voodoo
Ted Leo & The Pharmacists – Shake The Sheets
JR Ewing – Maelstroem. Det får vel halde.

Eg såg også nokre filmar, men ikkje særleg mange kan ha gjort inntrykk, sidan eg ikkje hugsar så mange. No nyleg såg eg iallfall Harry Potter And The Goblet Of Fire og The Chronicles Of Narnia. Eg likar jo vanlegvis ikkje slikt, men dette var ganske underhaldande. Også var jo The Life Aquatic With Steve Zissou ein god film. Elles går vel det meste som er kjekt på fjernsynet.

Dei bøkene eg las som var gode (nokre var riktignok betre enn andre): Fjodor Dostojevskij – Idioten, Dave Eggers – You Shall Know Our Velocity, Graham Greene – Vår mann i Havana, J.D. Salinger – The Catcher In The Rye, Carl Hiaasen – Turistsesong, Gil Courtemanche – En søndag ved bassenget i Kigali. Etter besøket i bokbyen i Fjærland hadde eg også planar om å få lest Steinbecks Vredens Druer og Samuel Huntingtons Clash Of Civilizations, men så langt kom ein ikkje. Neste år, altså, må berre bli ferdig med Haruka Murakami-boka mi. Den er også god.

Eg er så heldig at eg får oppleve ein streik på universitetet mitt. Det har eg faktisk aldri høyrt om før. Og dette er ikkje kva streik som helst, heller, denne veka streikar ein nemleg mot alt! Det er iallfall det intrykket ein får av å lese dei fjonge plakatane til denne aksjonen. For å ikkje bli heilt neo-konservativ på lesaren, så må det jo påpeikast at dei har rett i mykje. Ingen vil ha studiegebyr, til dømes. Men her kjem det altså eit par dusin krav til, som eg ikkje veit heilt kva ein skal gjere med, pluss at det er litt vanskeleg for ein utlending å sette seg inn i dette. Utvekslingsstudentar er som kjent ikkje ekte studentar. Dessutan verkar som ein del av dei aktive streikarane (det er mindretalet, sjølvsagt) gjerne skulle ønske at dei levde i 1968 og levde i Paris eller noko. Sånn at ein verkeleg kunne stick it to The Man. Som kjent, ein får ta det opprøret ein kjem over. http://www.streikzentrale.tk/

I serien «Meir eller mindre unyttige ting som blir delt ut på tyske universitet» har vi i dag kome til alle og einkvar si tyske favorittavis, Frankfurter Allgemeine Zeitung. I fleire dagar på rad har desse avismenneska stått i lobbyen og pressa stakkars studentar til å lese tungt utanriksstoff. Eg har gjort fleire ærlege forsøk på å lese denne avisa, men det er noko vanskeleg, ettersom skribentane lever etter mottoet «det er ikkje ein skikkeleg tysk avisartikkel med mindre halvparten av setningane endar med fire verb etter kvarandre». Prøv sjølv, då vel: http://www.faz.net/s/homepage.html