Forfattararkiv
Det postrafaelittiske brorskap
fredag, 10. oktober, 2008
Nox / Nokton
tysdag, 7. oktober, 2008
M. på den nye kaffimisjonkaféen
Eg kom nok til å kjøpe eit par objektiv i dag, rart med det.
# 5
måndag, 6. oktober, 2008
Dial L for Lusekofte
Alt dette blå
torsdag, 2. oktober, 2008
På eit nes, i det blå
Instant haust
måndag, 29. september, 2008
Instant haust - tilsett vatn
Kling & Klang
laurdag, 27. september, 2008
Kyrkjesongarane
Max Planck
torsdag, 25. september, 2008
Vi rullar inn i haustmørket
Sveiseblind / Sveiseblid
onsdag, 17. september, 2008
Høvding Badande and, Sandanesommar
Aiai, eg er sjokkerande lettsjarmert / sjølvopptatt: “Då vil eg nominera Lang dags ferd mot fnatt. Fordi eg kan sjå i timevis på bileta hans og verta glad”
Dagens back-to-back: Love is just a game m/The Magic Numbers & Savannah Smiles m/Okkervil River.
Eg kom / Eg såg / Eg fann
måndag, 15. september, 2008
Vidd, vidare, Vidda
Epler har då ikkje teke så stor plass tidlegare? Det er tydeleg at nokon har blomstra i ferien, og no er klar til å ta hausten med storm. Dei snik seg opp i kaker, paiar, gåver og handlenett og får meg til å tenkje på eplekysset i Beatles. I haust har eplene fått ein ny vår.
hauste v1 (norr hausta)
1 bli haust, lide mot haust; òg refl: det haustast
2 ta, berge (avling) i hus (frå) vi kjem til å h- tidleg i år
3 å sitte inne å vere molefunken, mest brukt i: “den som haustar, han er sår”
Eplebondekjekk
laurdag, 13. september, 2008
Sommarhaugen, Sandane, Gloppen
In medias res
onsdag, 10. september, 2008
Vasshovud
tysdag, 9. september, 2008
Det har blitt nokre turar i Monskarolina ut på Bjørnefjorden i det siste, her frå sist laurdag
Gitar / Solo
fredag, 5. september, 2008
(Trykk i høgre eller venstre kant på biletet for å komme til neste/førre)
Ein kveld på forsommaren knipsa eg litt for Kristin, her er nokre av bileta.
Chupacabra
torsdag, 4. september, 2008
Båt / Sau / Hus
Frå førre helgetur: Tog til Vaksdal, vasing i Vaksdal sentrum(?), pensjonisthaik opp Herfendalen, rusling til Høgabu etterfølgd av 24 km springmarsj frå Høgabu (via ein amerikanar og to lokale heltar) til Eikedalen der S. & T. venta med varm bil og kald pizza.
30 love
tysdag, 2. september, 2008
Frå sommarens Søreide invitational
¤
torsdag, 28. august, 2008
∞
sundag, 24. august, 2008
Vi frys tida / På tide å fryse
fredag, 22. august, 2008
Akk ja, kajakk!
tysdag, 19. august, 2008
Overnattingstur på Hardangerfjorden i strålande sol, takk til T. for fin ferieavslutning
Luftepause
onsdag, 13. august, 2008
Easy E. flyt på erfaringa
Mykje blågrønt no for tida, men vi har då ei ny spørjeundersøking!
Ein kald fisk går i land
måndag, 11. august, 2008
Nokon som veit kva denne krabaten heiter?
Så har vi vore i Jotunheimen: Gjendesheim - Memurubu - Besseggen - Gjendesheim. Gjendesheim - Gjendebu - Olavsbu. Olavsbu - Skogadalsbøen, og til sist Skogadalsbøen - Turtagrø. Fin tur, dårleg fotoveir.
Abdominae skvulpus
torsdag, 31. juli, 2008
St. øver seg på mageplask under det nærast obligatoriske kveldsbadet på Kleberget, og klarer det fint
Sand i maskineriet / Sandane menasjeri
onsdag, 30. juli, 2008
Kjenningar får nettkjenning like etter solnedgang / Vi slår eit slag for slekta
#4
onsdag, 30. juli, 2008
Bloggens nemesis: SolaPike & Sang - ingen vin
måndag, 21. juli, 2008
Knipsa litt for Kristin T. i går kveld
I spy with my little eye
torsdag, 17. juli, 2008
Berg & dalbane
måndag, 14. juli, 2008
Utsikt frå Ulriken laurdag, den kvite prikken nedanfor Løvstakken er eit bittelite småfly
Ikkje bestenoteringar, men notert likevel:
- Ti dagar til ferie, og vi feirer med å gå med dei nypussa fjellskoa inne
- I passiar med min bror lanserte eg uttrykket “det prosaiske trussamfunn”, godt nøgd
- Mykje kan tyde på at eg har kjøpt meg eit nytt kamera, lenge sidan sist no!
- Rykta er sanne, eg har (ilag med S&D) begynt å stå på brett, nærare bestemt longboard. Var ute og rulla i bakkane på mitt Fibreflex Pintail 44″ på laurdag, klarte å buksere meg inn i noko buskas i berre kortbuksa, dette forklarer nok dagens vonde rygg.
- Apropos forbetringspotensiale, longboarding har eit stort forbrødringspotensiale - rullings er overraskande sosialt.
Snarveg
sundag, 13. juli, 2008
På veg til siste etterfest med kullet
Spøkelsesfugl
måndag, 7. juli, 2008
G. i framgrunnen, Floen i bakgrunnen
Øy!
sundag, 6. juli, 2008
Det gamle drikkevatnet (no karpedam) på Floni, Mangerfjorden i bakgrunnen
Det er noko vi må snakke om
måndag, 30. juni, 2008
Du, kom ut! No er det opplett! ..øh, berre gløym det.
Hæ? Eg høyrer ingenting i denne vinden.
OK, eg har tenkt at det berre var eit arbeidsuhell. Alle kan jo gjere feil, tenkte eg. Eg har sett den andre vegen og rekna med at det ville ordne seg av seg sjølv. Men nok er nok. Korleis kan det ha seg at i overkant oppegåande kvinner og menn (ja, kanskje spesielt menn) vel vin før song og piker? Har det verkeleg gått så langt? Er det eit slikt samfunn vi vil ha? Lar vi songane og pikene brenne inne medan vi reddar vinen ut av det brennande huset? Treng vi fleire retoriske spørsmål?
Eg reiser no ut på ei øy nokre dagar, og reknar med at ting ser annleis ut når eg kjem attende. Dåkke veit kva som må gjerast, om ikkje bør dåkke gå i dåkke sjølve - og bli der.
Gjønavatnet - Kikedalen - Gjønanibben
sundag, 29. juni, 2008
På toppen av Gjønanibben etter å ha klarta opp ei (nesten) tusen meter lang ur
Etter ei veke med arbeidsliv var det naudsynt å rømme litt frå Bergen, prestesonen fekk med seg psykologsonen (Ø.) og lensmannsonen (P.) på oppdagingsferd inn Gjønavatnet og opp Kikedalen. Turen tok til med eit stopp innom Hålandsdalen leirskule, der eg fekk helst på gamle kjende og lånt båt for turen inn vatnet. Eg merka at eg sakna både leirlivet og turane inn den fantastiske dalen, aiaiai. Vi nådde ikkje Gjønakvitingen denne gongen, så då må vi heldigvis inn att ein annan gong.
Ψ
laurdag, 21. juni, 2008
But why?
Candidatus psychologiae!
fredag, 20. juni, 2008
Oselvarentusiasten og psykologen A. på djupt vatn, igjen
Yay! I dag var det på med den finaste 1 dressen for høgtidleg avslutningsseremoni på Hotell Norge. Etter sju år med psykologi og totalt ti år som student ved UiB er eg no endeleg utstudert 2. Eg kjem til å sakne fakultetet og alle folka, men gler meg til å få breiare klinisk erfaring, jobben står klar 0800 måndag morgon 3. Under dagens festivitas fekk vi overrekt det spraglete UiB-slipset samt ei rad akademiske handtrykk, men eg sette størst pris på cand. psychol.- og autorisasjonspapira. No kan framtida berre komme, høgtid og velstand!
Barnearbeid
måndag, 16. juni, 2008
Solfangar
sundag, 15. juni, 2008
H. fangar den siste kveldssola inn kjøkenglaset hjå G&I halv tolv i kveld
Tre er gode ting, alltid
laurdag, 14. juni, 2008
Smørsangaren, Oslofantasten & pastakjennaren K., vitja Bergen under trefestivalen førre helga
Eli
onsdag, 11. juni, 2008
Sandane, to somrar sidan
onsdag, 11. juni, 2008
Krispkveld på Bryggen
Eg tel framleis på ordknappane, men her er i alle fall litt lese- og høyrestoff i regnveiret:
- Ny plate frå Aimee Mann - @#%&*! Smilers (takk for tipset, HG - korleis unnslapp dette meg?)
- Endeleg ei side som har skjøna bruken av bilete i presentasjonen av nyhende på nettet
- Om bruken av auto-tune vs. vocoder i listemusikk
- Mann møter kvinne, mann og kvinne har intenst forhold, kvinne går attende til ungdomsflamme, mann får laga livaktig dukke som erstatning (det er i Wien det skjer, ikkje tilfeldig at psykoanalysa sprang ut frå dette miljøet)
- Nyoppdaga novelle av Vladimir Nabokov, på trykk i The New Yorker
- Om kvifor fotografering i storbyar urettvist blir kopla opp mot terrorisme
- Kista til Robert F. Kennedy vart frakta med eit gravferdstog frå New York til Washington, ein million menneske møtte opp langs toglinja for å helse. Fotografen Paul Fusco dekka saka og tok nokre fin-fine bilete
Familj
tysdag, 10. juni, 2008
Sandane, eit par månader sidan
Om å grafe sin eigen graf / Lydbølge
fredag, 30. mai, 2008
Last.fm har sidan 2003 sladra om kva musikk eg høyrer på, dette har ført til eit utal opphald i kasjotten hjå musikkpolitiet, men eg fekk då denne fine grafen.
(trykk her for å få opp ein enorm (19k px) og lesbar versjon)
Hane
fredag, 30. mai, 2008
Bror min: Nett levert masteroppgåva, nett blitt onkel, nesten ny jakke
Stein på stein
onsdag, 28. mai, 2008
Frå fjellgrillfestivalen 2008
Frisk bris
tysdag, 27. mai, 2008
Den galne mannen og havet
Stikk berre innom for å seie at eg så langt har hatt ein heilt fortreffeleg mai månad i Bergen. Store flokkar med gode folk driv rundt i byen, klare for å finne på både det eine og det andre så fort sjansen byr seg. Nattjazz rullar og går kvar kveld, men svært varierande konsertkvalitet (det er ikkje all impro/avantgarde ein må få med seg, men Bilal var knall!). Oioi-festivalen kjem inn vindauga kvar ettermiddag, heimeeksamen verker å vere overkommeleg, psykologjobben er spikra (..og med fast jobb følgjer det ferie!), og snart kan eg lære å skade meg på longboard (meir om det, er eg redd). Og sola skin. Sola skin slik eg trudde den kun gjorde i sommarferiane på femtitalet, eg har allereie slite ut ei kortbukse og to par solbriller.
Nydeleg nyfødd nurk!
sundag, 18. mai, 2008
Onkel H. & A. vart i kveld innvilga audiens hjå den tjuetre timar gamle prinsessa, stor stas!
Yess! Min kjære bror G., og hans fabelaktige I. vart foreldre til denne vesle prinsessa på sjølvaste grunnlovsdagen. I dag, etter at besteforeldrene hadde køyrd langt for å helse på, var det endeleg tid for onklane A. & H. Vi kan rapportere om at alt står bra til, her følgjer nokre fleire bilete - posta etter instruks frå tante E.
Etter leggetid
laurdag, 10. mai, 2008
Flygande tiger
Før leggetid
fredag, 9. mai, 2008
S & P på Festplassen i går kveld
Stålkontroll / Parkliv
måndag, 5. mai, 2008
Ballar av stål
Takka vere for mykje festivitas og parkliv fekk eg ikkje med meg så mykje av Bergenfest, men eg fekk i alle fall høyrt Denison Witmer på Garage. H. la att ei plate i heimen for nokre år sidan, og den var rett fin. Witmer feira sin eigen trettiårsdag med å spele inn tretti av sine eigne songar på nytt, desse kan du laste ned på happybirthdaydenison.com, Chestnut Hill er spesielt fin.
Oddleiv Apneset spring rundt med eit par tre mellomformatskamera (saman med Silja) og tek bilete av alle jølstringane, planen er å lage både utstilling (i Oslo(!)) og bok. Er svært sjalu på O. A., men gler meg til boka. Fint laurdagsrevyinnslag her, mellom anna med Atle Hamar i austerriksk hoppdress (spol tjueto minutt fram).
23
sundag, 27. april, 2008
Vi gratulerer I. med dagen, og får endeleg posta desse bileta
- Imponerande kulebanebygging
- Fin historie om heiskøyring i The New Yorker
- Om å halde pusten
#3
onsdag, 23. april, 2008
Frå gårsdagens middag hjå G & I, ein månad til termin for den dynamiske duoen
Solbrillefint
måndag, 21. april, 2008
Gissekonkurranse
Om eg seinare skulle bla attende og lese dette: Hovudoppgåva vart levert inn førre veke, etter det har dagane vore stappfulle av sol, solide mengder is, krokketsiger, vinglehyseekstravaganza, grilling, mysing, parkliv, ballar av stål (petanque), bollar av mjøl (med rosin), båtliv (Monskarolina flyt framleis!) - og folk, ikkje minst folk: T., K., H., K., P., E., G., Ø., D., osb.., eg har hengt med brorparten av konsonantane og ein del vokalar, det blir reint for mykje, og i morgon startar hypnosekurset, aiai.
Til dåkke andre:
-
Popsongar bør vare i 2 m. 42 s., som The La´s - There she goes, med tilhøyrande speleliste.
-
Meir pop: Songtekstar grafisk framstilt
- Ein fotograf med eit nært forhold til fisk.
- Ein annan fotograf med eit nært forhold til sommar.
Til sist:
Om du: a) vil sjå verdas lengste nettside b) bruke opp bandbreidda mi, eller c) beggje deler, kan du sjå på absolutt alle innlegga eg har posta frå 2004 og fram til no i omvendt kronologisk rekkjefølgje.
Gode ektefolk / ekte godtfolk
sundag, 13. april, 2008
Kenneth + Beate = sant! Knipsa før dei sykla frå kyrkja i går ettermiddag
Vel, kva kan ein seie? Eg er ein heldig herremann. I går fekk eg vere forlovar i bryllaupet til K & B (og S.). Det var stor stas og gedigen festivitas. (Eg tok berre ei handfull bilete, då eg hadde andre oppgåver, men her er no eit minne). Gode dagar!
Gøymsle
sundag, 6. april, 2008
Ø.
laurdag, 5. april, 2008
Ryssdalshornet
tysdag, 1. april, 2008
Ifjorbror. Er litt sugen på å få gått fjellturar att / Åtte dagar til oppgåvelevering
Merksnodig
onsdag, 26. mars, 2008
Sol, og ein gløymer at hovudoppgåva må leverast om to veker
Snerkmodig: Når du er så gamal at du ikkje lenger er redd for snerket oppå kakaoen.
Andre stader: Rap-tekstar framstilt grafisk & matematisk.
Scenesterk
onsdag, 19. mars, 2008
Før framsyninga
1. Ein tysk jagarflypilot finn ut at han skaut ned sin favorittforfattar, Antoine de Saint-Exupery, under andre verdskrig.
2. Lies I`ve told my 3 year old recently - Åh-så-fint.
Liar, liar, pants on fire
tysdag, 18. mars, 2008
Bål, påskesjokolade, måneskinn, stjerneklart og gode folk (men sjuskete bilete)
Susar avgarde
måndag, 17. mars, 2008
Kvikk bunch
Bergen - Hallingskeid - Bergen
sundag, 16. mars, 2008
Kortspelande retur med NSB til Bergen etter fabelaktig hyttehelg på Hallingskeid
Glad røykelaks / Røykt gladlaks
onsdag, 12. mars, 2008
Folk, ein kan ikkje gjere alle til laks
Dagane minner stadig meir om popsongar, eg spår snarleg vår. i tillegg til å bakse med desse intersubjektivitetsteoretikarane har eg i dag fått testa det nye svømmebassenget spesiallaga for studentar nedtynga av studielån og oppløfta av tankens kraft. Sant å seie hadde eg venta meg meir, spesielt på oppdriftsida. Eg fekk attende den synkande kjensla av å ha tatt meg vatn over hovudet, nei, eg hadde venta meg meir. Men vi har då musikken! I dag i form av Anna Järvinen - Jag fick feeling, Cat Power i ymse opptak og eit par riktig vonde songar frå Mikronesiaføderasjonen. Til helga blir det tog, snø, ski og andre trebokstavsaktivitetar (giss).
Hei-serru-serru
måndag, 10. mars, 2008
Sminkerommet, før psykologirevyen i går kveld (for Katarsis)
Eg skriv no på ei oppgåve med tittel: “Metaforar - treng vi dei, eller kan dei segle sin eigen sjø?”
Fiskebein
tysdag, 4. mars, 2008
Det er eg og katten som drøymer om fiskebein
Fakultetet # 1
måndag, 3. mars, 2008
Trondheim
fredag, 29. februar, 2008
Trønder x to
Hysj, stille
torsdag, 28. februar, 2008
måndag, 25. februar, 2008
M. i sofaen på hovudoppgåvekontoret
Tim Tygg spelte på ein fest eg var på, kom diverre for seint og fekk berre med meg ekstranummeret - men det var vindskeivt og fint, høyr.
onsdag, 20. februar, 2008
Mann under brua
tysdag, 19. februar, 2008
The lonely crowd (E. sitt 85/1.2 - einsamobjektivet
Picassoveir
tysdag, 19. februar, 2008
Vi ser på tørka maling
Relativt mange utnytta det flotte museumsveiret sundag
Via Bror II vart eg tipsa om den flotte Stuff white people like, aiai, minner meg om gamle Black people love us. Elles har eg fått brukt ordet intersubjektivitetsteoretiseringa i dag, oppgåveskriving har då sine lyse sider, ikkje? Som om ikkje dette skulle vere nok har eg fått spelt lag-frisbee og hatt filmrullopptelling (femtito). Ja, denne karen brenn verkeleg sitt lys i beggje endar!
+ 1
måndag, 18. februar, 2008
Fann enno ein pose med ubrukte filmrullar, er det eit teikn?
Ja! Ingeborg & Håvard fekk ei jente på fredag, grattis. Elles har K. vore på vitjing i gamlebyen, svært kjekt!
tysdag, 12. februar, 2008
Der ein skulle tru at nokon kunne bu
Hagl/Skur
tysdag, 12. februar, 2008
M. - det kom ein haglskur, så vi gjekk inn i eit haglskur
tysdag, 12. februar, 2008
H.
Rar #2
måndag, 11. februar, 2008
Kleivane, sjølvutløysar og verdas største blitz
Her er meir humbug.
Rundt midnatt
fredag, 8. februar, 2008
Blåmann, blåmann
Etter Dr. Melfi i Sopranos var det kanskje ikkje så overraskande, men likevel gledeleg: HBO har starta å sende In treatment, ein dramaserie der ein følgjer ein psykolog sine møter med fire-fem pasientar, og hans eigne møter med sin rettleiar. Svært underhaldande og interessant å sjå korleis ein har klart å lage terapitimar til god TV (ein har kutta ein del svingar). Serien har nett starta på HBO, eg har berre sett dei første seks episodane, men har allereie fått psykologvenene og deler av kullet mitt til å sjekke det ut. Så vidt eg skjøner byggjer In treatment på den israelske serien BeTipul frå 2005, men hebraisken min er såpass rusten at den nok ikkje er for meg.
Åja, her er ein fyr som klappar, fort.
onsdag, 6. februar, 2008
Hermansverk
Brurefølgje på Bjørnefjorden
måndag, 4. februar, 2008
Vi var ute og duppa i Oselvaren i fjor sommar, då dette følgjet flaut forbi
sundag, 3. februar, 2008
Fugleperspektiv
Diasduplikator alá mister Handyman
sundag, 3. februar, 2008
K., i hine, hårete dagar
Sovesofa
torsdag, 31. januar, 2008
Systa + Ma, Førde + film
Svart magi / Kvit magi
måndag, 28. januar, 2008
Begynnande bok-bajaseri
Eg kom i skade for å importere fem hundre skanna bilete frå gamle dagar (les: 2004). Ei lukkeleg tid utan digitalkamera og anna kvit magi. Når eg såg att bileta, gjekk det som det måtte gå. Eg henta fram nokre gamle kontaktkopiar og stod plutseleg midt på stovegolvet med ein OM-1 i nevane (samt ein Canonet og ein XA på bordet). Åh, som eg saknar gamle XA´en og Hexar´en! Og TRI-X og Neopan, HP5 og Delta! Kontaktkopiar og gamal D-76, geriljamørkerommet! Det er ikkje første gong eg står midt på stovegolvet, ofte går det over av seg sjølv, men no sit det i - trur eg. Eg vil i alle fall prøve å lage ei lita bok med dei gamle bileta, og H. har allereie blitt oppmoda om å sende skannaren (og fleire kamera(!)) i posten. No skal eg leite opp att bereposen med utgått film eg veit eg har liggjande.
(om du har eit gamalt Fujica 690, eller ein Mamiya 6 liggjande, så send det min veg, ver så snill?)
Enno eldre emulsjon: The Capa cache
Gråsone
sundag, 27. januar, 2008
Som vaksen har eg utvikla eit nyansert syn på livet, men det er greit å vite at noko framleis er svart/kvitt
Det er ikkje alle kjepphestar du skal ri inn i solnedgangen
laurdag, 26. januar, 2008
Eg kunne godt tenkje meg å vere innesperra mellom to ras på Filefjell no, er det unormalt?
Alexander Graham Bell
tysdag, 22. januar, 2008
Aa
Den seinare tida har eg følt at det har vore noko som har skurra når eg har snakka med folk. Det viste seg å vere telefonen. No har eg ny, så ring om du meiner vi har noko usnakka.
Dagens trivia: Både mora og kona til Bell var døve, og bror hass halta stygt.
Skuggeregjering
sundag, 20. januar, 2008
Grøne fingrar / Det hender så mangt
måndag, 14. januar, 2008
-2.jpg)
Eg har alle desse hendene liggjande, prøver å bli kvitt dei
Bror II har endeleg fått fingeren ut og byrja blogge, høg fem. Elles kan eg peike vidare til Matt Stuart, han har alltid kamera i hand og knipser flittig. Nokon har tasta ned eit intervju med han her. Eg klappar i hendene.
sundag, 13. januar, 2008
.jpg)
onsdag, 9. januar, 2008
.jpg)
laurdag, 5. januar, 2008
.jpg)
Ein mann må gjere det ein mann må gjere
torsdag, 3. januar, 2008
Blå Swix
Ei karlsvogn til begjær
onsdag, 2. januar, 2008
Smøretur
For litt sidan låg eg på verdas lengste flytebryggje, cirka midt ute i Gloppefjorden, i minus sju og med kalde nevar og såg på stjernene. Er det slikt ein ikkje skal fortelje om? I morgon legg eg ut på min åttande skitur denne jula, reknar med å få diplom frå einkvan.
sundag, 30. desember, 2007
Sjette juledag: Mykje snø på Utviken, vardetur med Soffen.
laurdag, 29. desember, 2007
Tiddelibom
God jul
måndag, 24. desember, 2007
Kva er vel mindre naturleg enn å vise fram onkel O. og p. på sjølvaste julafta?
Grantre står for fall
sundag, 23. desember, 2007
Syskenborna Å. og H., hogstmodne
I dag samla vi ihop ein tolv-femten frå slekta for å reise inn i skogen vår og finne juletre. Heile historia, med tilhøyrande dokumentarbilete får komme seinare, men vi kom no ut att frå skogen med to grantre på litt over fem meter kvar (det er høgt under taket her i Gloppen), vi surra dei i bagasjerommet på onkel sin Hi-Ace og køyrde juletrekolonne heim att. Elles: P. har kanskje knekt nasa, og eg har vore på ski med S. i måneskin.
Sogn og Fjordane, alle gode ting er tre
laurdag, 22. desember, 2007
Femten sekund Jølsternatt, frå heimreisa i går kveld
Hei kor det går. Nokre opplevingar frå Gloppen så langt: Vakna til kald og klar sol, samt diger frukost. Fekk lurt bror min med på tur mot Utsikten og Austrheimsstøylen. Ein kar kom ut frå eit hus og fortalde at det hadde gått eit ras. Vi traska oppover i snøen og kulda, hadde ein flott pause i sola på årets mørkaste dag og kom oss heim att til graut og fyr i peisen. Etter graut leita eg fram skia til andre bror min og fekk meg nokre rundar i løypa på Kleivane, møtte ein ny fyr som skraut av min avdøydde morfar. No sit eg framfor peisen att, venter på meir slekt og meir mat, før eg skal ut og ta ei øl med M. Nesten litt i overkant dette.
Heim, no.
fredag, 21. desember, 2007
Vegen heim / Vengen heim
Dagens interkommunale transportplan: Båt med V. frå Bergen til Lavik. Buss, der eg kanskje treff M., frå Lavik til Førde. Bil med G. frå Førde til Sandane. Satsar på sol og fjelltur i Gloppen laurdag.
torsdag, 20. desember, 2007
Guten med det store hjartet går, i dag den tjuande, frå tjueein til tjueto, hepp.
Alden
onsdag, 19. desember, 2007
Lettkaptein P., det var jo så varmt og fint veir i jula i fjor.
Eg fekk voldsomt sansen for Alden utanfor Askvoll i sommar. Lurar på om det går an å leige eitt av dei to husa på øya og halde hoff der nokre dagar neste sommar?
tysdag, 18. desember, 2007
Familieplanlegging: Då kjøper du gåvene i første etasje så tek vi andre resten
måndag, 17. desember, 2007
Julemat - får, som fortent
sundag, 16. desember, 2007
Eg er litt av ein rebell / gamalt bilete
laurdag, 15. desember, 2007
Vidden
Faktaboks: Vidden vart utbygd etter ein idé av Napoleon i 1806, som eit ledd i den større Russarvegen. Det tok to tusen strilar fire år å ferdigstille vidden, strilane var organisert i sti- og vegbyggarlauget - ein tidleg forløpar til Mesta. I krigsåra låg bordellane tett i tett på vidden, men desse vart fjerna med tvang etter ei folkeavrøysting i 1946. I etterkrigsåra fungerte vidden som skuleveg for både fjordingar og sogningar. No for tida blir vidden mest brukt av kondisjonerte femtiåringar i alle aldrar.
fredag, 14. desember, 2007
T. + lommelykt + tjuefem sekund, og mykje mørke
torsdag, 13. desember, 2007
Vers, refreng, vers, refreng, bru.
Eg treng ein diger paraply, den treng ikkje tåle vatn - nokre tips?
onsdag, 12. desember, 2007
Seterly - pensjonat, spelebule, senter for illegal trampolinehopping
Jan von Holleben har laga ein serie bilete kalla Dreams of flying, oppløftande. Åja, ingen advent utan Rune.
tysdag, 11. desember, 2007
Desse to karane høyrer heime i klappeland
Det er godt å vere attende på fakultetet, fekk spelt litt fotball på eine hovudoppgåvekontoret og lest litt om god vs. øydeleggjande skam i dag. Overhøyrde uttrykket “dei eplekjekke fell ikkje langt frå stammen”, gledeleg.
måndag, 10. desember, 2007
Tur i skogen, gauk, ko-ko, osb..
Eg sysla med litt hovudoppgåvetenking tidlegare i dag (har slutta med det no), og datt over dette somaliske ordtaket: “Simbir botbot bathan mathaha ayay kutega” (”ein fugl som flyg omkring åleine vil til slutt lande med hovudet først”).
Før desember starta fekk eg for meg at eg skulle poste eit nytt bilete kvar dag (alle tekne i julemånaden), som ein slags julekalender. No har eg både hoppa over ei rad dagar og posta to bilete frå oktober/november, men eg vil prøve å ha klart eit nytt desemberbilete kvar dag framover.
Byfjellninja / Kampestein
sundag, 9. desember, 2007
T. + E. + K. = trøbbel
Gode dagar dette. Eksternpraksisen ved smerteklinikken vart avslutta torsdag, eg fekk blomar og allting. Lyset - når det er til stades - er fint, og nokre gongar knirkar det under skoa.
laurdag, 8. desember, 2007
m. stiller opp
Bruveir
onsdag, 5. desember, 2007
Ei bru, to personar, tre gatelykter, fire frontlykter, fem på ettermiddagen, seks mm nedbør, sju meter i sekundet
måndag, 3. desember, 2007
Snubletur i sola i dag. Klarte å lure desse bileta inn i kameraet.
(more…)
sundag, 2. desember, 2007
Sotra i dag: Ingen mann er på ei øy
Tøyseobjektivet gjer at eg på nytt tek bilete av ting for å sjå korleis dei ser ut, overraskande frigjerande.
torsdag, 29. november, 2007
tysdag, 27. november, 2007
K.
“Forskarar” kan melde at 86% av britar ikkje føler seg fotogene (eg reknar med dei her snakkar om fotogen i form av å ta seg godt ut på bilete, og ikkje i form av å vere sjølvlysande). Om ikkje lenge vil vel retusjerte familiebilete bli norma, det er vel heller tvilsomt om dette vil føre til betre (sjølv)bilete.
Nerdenotis: Bileta av K. er tekne med mitt nye (men gamle) Olympus Zuiko 55mm f/1.2 - skarpt og blurrete på same tid, nett som på film!
Dagens liste over fine ting:
- The genius of photography er ein knallfin dokumentarserie som går på BBC Four, om (tadah!) fotografiet si historie. Svært oppbyggjelege saker. Ordet på gata er at ein kan laste ned dei seks episodane her.
- The Narrative er ein kjernesunn fotoblogg som eg har klikka innom dei siste par åra. Trykk litt i arkivet, du.
- I dag bør du vere snill med deg sjølv og høyre på Reckoner frå siste Radiohead-plata.
Fløyen - liten blåtur
sundag, 25. november, 2007
Fløy en liten blåfugl / Fløyen - liten blåtur
I den stolte norske forteljartradisjonen “då var eg der, no er eg her” er vi i dag kome til forteljinga om Fløyen, Revurtjern og Brushytten. Det var kaldt, det snødde, det var fint og no er eg heime.
Sen gick det åt skogen – igen
torsdag, 22. november, 2007
Evig solskin på ein plettfri sel (men kvifor sym dei på ryggen?)
Fekk epost frå opphavet med mange utropsteikn, til dømes: “Dei tok skilta!!!!!”. Med så mange utropsteikn skjøna eg at dette var alvorleg. Einkvan hadde opna Poloen og forsynt seg med innhaldet, NRK Sogn og Fjordane er på saka. I den stolte mann-skapte-seg-tylen-tradisjonen kan NRK vidare melde at “godt vaksne sunnfjordingar kosa seg med sterkare saker på rutebilstasjonen i Førde”. Steling og drikking, kva blir det neste i trivselsfylket? Kortspel og dans?
onsdag, 21. november, 2007
En ko / Tamkvæg
Til deg som kasta ein murstein + lapp med ynskje om fleire dyrebilete inn gjennom glaset i dag: Her. Send mail neste gong, er du snill.
Til dåkke andre: Sjå på denne fine fotobloggen, ein fyr med galne evner (mad skillz) som tek bilete av ein ny person kvar dag i eitt år - for å seie det med Aretha Franklin: R.E.S.E.P.T.
sundag, 18. november, 2007
Summertime - and the living is easy
torsdag, 15. november, 2007
H.