Arkiv for mai, 2007
torsdag, 31. mai, 2007
Skansen, etter trampolinehopping
Dagen har blitt brukt til å sitje i oransj overlevingsdrakt på helikopterbasen på Flesland, så har ein gjort det òg. Gårsdagens jazznatt var svært oppbyggjeleg, med R. Hovland & C. Henderson.
Slagverk & Øyreverk / praktverk & makkverk
tysdag, 29. mai, 2007
M. & S. - på veg heim frå kveldens nattjazz, utsette for mine nyerverva blitztriks
Nattjazzen rullar vidare, kom nett heim etter den sjette jazznatta. Eg har følelsen av at programmet var betre i fjor, litt jamnare kan hende - men opplevinga mi i år blir nok òg farga av mine betente bihuler, verkande øyre og såre hals. Eg drikk liter på liter med honningmjølk, går med skjerf, held meg unna fyll og spetakkel - men frisk blir eg ikkje. I morgon skal eg teste ut hue og urtete. Attende til jazznettene - det har vore ein del kvalitetstromming og i går var det sjelfulllt og fint med Sharon Jones & the Dap Kings, det ordnar seg nok i år òg.
Ein Borat-kopi på 2,10
torsdag, 24. mai, 2007
Antibalas Afrobeat
Nattjazz har starta, og det var kanskje like greit for ute er det svært grått og trist for å vere mai i Bergen. Av andre nyhende kan det nemnast at eg no snart har nok utstyr til eit lite portabelt fotostudio, så det er berre å stille som modell ein av desse dagane. Åja, gårsdagens nattjazzhøgdepunkt var nok blåserekka til Antibalas Afrobeat, trompetisten var ein tynn Borat-kopi på 2,10 med særs frekke dansemoves.
(Oppdatering: Eg lova å poste eit Borat-bilete, og her er det)
(more…)
onsdag, 16. mai, 2007
I
måndag, 14. mai, 2007
Vi gjekk i land på ein knaus, der to villsauar rådde grunnen
Sol, sommel, sommar & Sotra
sundag, 13. mai, 2007
Irene & Peter ombord M/F Kranglefant
Vi hadde ein ny bedageleg mikroferie i sommarhuset til P. på Sotra i går, knall! Skal prøve å få posta nokre fleire bilete seinare (kan hende eg skal hente fram den gamle lysbileteframsynaren). Vi har no trekt rekkjefølgja for tildelding av praksisplassar til hausten, eg vart nummer seksten og har framleis eit håp om å få eit av førstevala mine, som BUP sentrum eller smerteklinikken på Haukeland.
Åja, Helge Skodvin har teke nokre fine bilete med Holgaen sin til festspelprogrammet, slik vart eg minna på eit av mine favorittbilete frå Bergens Tidende - eplebonden!
Ta vare.
Nøkkel & hjarte
onsdag, 2. mai, 2007
..eg veit ikkje om dei passar saman
Eg har lest meg opp på internett i det siste. I dag vil eg berre vidarebringe litt trivia om Ben Folds, i høve tiårsjubiléet for at eg oppdaga Ben Folds Five. Folds, no 40 år gamal, er gift for tredje gongen - omtalar musikken sin som “punk rock for sissies”, kjenner Weird Al, får konsertpublikum til å setje ut rykter om seg sjølv på nettet og har ein lillebror, Chuck, som no gjer suksess med bandet Chuck Folds Five.
tysdag, 1. mai, 2007
Professor R. R., for Katarsis si sak om briller og kjærleik (eller noko slikt)
Nuh, blir tussete av all denne sola - har eit par ting eg skulle ha posta, men nett no må eg ut att. Fin-fine frisbeeforhold!