I pappa si gamle Kandahar boblejakke
Etter ein heil dag med påskeferie er det på tide å gjere opp status. Eg har kome meg heilt til Os, tatt del i det uendelege hagearbeidet (raka tre mål så langt, medan vi høyrte på Elton John), ete heimelaga kompar, grovbrød, horn og pizza, rodd ein lang tur, sett to niser(!), prøvd å fiske niser (dei er visstnok freda), sunge ein del (samt dansa bittelitt), ramla i båten (og landa på fiskekrokane) samt lese ei heil rad aviser. All denne avslappinga krev sin mann. I morgon har eg planar om å rekke ein rotur på eit par timar, litt krokett og vinglehyse før eg tenkjer å runde av Os-opphaldet med påskelam-middagen før turen går til Sandane og Utvikfjellet.
Ikkje at eg eigentleg har snøring, men eg har no lest meg litt opp i kveld. Her er ein fin-fin artikkel om Roger Federer frå NYT.
Ikkje greit
Joda, det kjem gladare bilete seinare, men først desse.
(meir …)
Rekvisitør K. gjer klar for fotostjerne S.
Eg har vore innom høgskulestudioet eit par dagar no, først for å ta bilete av den kjekke psykologirevytruppen, og så for å ta bilete av Synne m/føresette. Det er alltid kjekt å ta bilete, men studiofotografering er hardare jobbing enn ein skulle tru (av ein eller annan grunn ender eg alltid opp med å liggje langflat oppetter ein vegg medan eg prøver å få alt til å klaffe og klikke samstundes).
Av eldre nyhende kan det nemnast av dei har starta opp produksjonen av Lomo i Kina, etter at dei la ned i Russland for nokre år sidan, i tillegg har dei «forbetra» bittelitt ved å utvide til lysmåling ved ISO 1600 – det hadde vore noko å ha i gamle dagar! Fekk brått lyst til å skaffe meg noko obskur russisk mellomformatsoptikk til kameraet mitt, har du noko liggjande så send det min veg.
S.