Arkiv for februar, 2006
Hurra!
sundag, 26. februar, 2006
Synne, 1 dag - Kenneth, 26 år
Gode greier dåkke! Kenneth og Beate vart foreldre i går, alt gjekk flott og alle er glade og slitne. Eg, Kjetil, Ragnhild og Ping Pong masa oss til eit besøk allereie i dag. Det var stort å få halde Synne, eg gjer det gjerne igjen.
Mjuke fakta: Fødselsdag: 25. februar. Vekt: 3,7 kg. Lengde: 49 cm.
Gratulerer til heile familien!
(trykk for å sjå fleire bilete)
(more…)
Du milde pekingneser
laurdag, 25. februar, 2006
Eili
Bror nr. II er vel heime frå Berlin, flott, flott! Bror nr. I (obligatorisk Seinfeld-referanse) har fått tak i ein slik feiande flott fotoskrivar! I skrivande stund driv ein med testprinting - er mjukt imponert over kvaliteten. I mine auge overgår det glatt mitt eige mørkeromsarbeid, utan at det er spesielt oppklarande. Eg har elles klart å rote meg inn i styret til ein slik studentfotoklubb, er enno ikkje heilt sikker på korleis det gjekk til, så vidt eg har skjøna er denne banden knallharde analogistar (aka filmfanatikarar), kan hende eg ikkje klarar å halde meg unna eg heller (ah, lukta av frisk Rodinal om morgonen…).
Nuvel, ein sit no ikkje berre inne med eit lass bilete - ein høyrer no på musikk òg:
- Luther Ingram - If loving you is wrong (I don´t want to be right)
- The O´Jays - Love train
- Luther Vandross - A house is not a home
Om den spelelista er det berre ein ting å seie: Aiai.
Om eg var ein rik mann…
torsdag, 23. februar, 2006
…og slik går no dagane. Jammen santen skal vi ikkje ha eksamen igjen gitt. Denne gongen berre på ei veke basert på veke med undevisning. Kva kan eg seie?
Men eg held på å lage liste over alle ting ein kan bli når ein vert stor;
-Journalist fordi det kan eg klare
-lærar fordi det er noko som alle som ikkje heilt veit kva dei skal bli seier
-ein som gjer kjekke ting for andre
-flyvertinne om eg får overnatte i store byar ute i verda
- fotograf fordi det kan av og til sjå kjekkare ut enn å skrive og om eg kunne ta bilete
-ein som gjer kjekke ting på jobben
Som det kjem tydeleg fram av lista er det mykje å ta tak i, det siste punktet trur eg veldig på. Men innspel er ikkje dumt, så komanigjenndå!
Elles har eg vore på mitt første tupperweare (er det slik det skrivast?) party i dag med tante Eli-D som sjef. Det vart veldig moro, også fekk eg veldig gode scones på slutten.
Om det som ikkje er opp i dagen
tysdag, 21. februar, 2006
Eit eller anna, trur eg
Det kan tenkjast huset eg bur i skal seljast til sommaren. Om nokon føler for å spleise, så sei i frå.
Ma, Pa, middag
fredag, 17. februar, 2006
Middag med ma + pa litt tidlegare i dag
Oppsummert:
- Har kjøpt fotoskrivar og papir i dag
- Skal visstnok ta bilete for revyen dette semesteret
- Får kanskje tilgang til studio (lause planar)
- Livet mitt burde innimellom vore meir som ein detektivroman
Dagens song: M2M - Don´t say you love me
Suddeli-duddeli-dei
måndag, 13. februar, 2006
Anniken i gangen, for nokre få timar sidan
Musikk ein har høyrt:
- The Elected - Sun, sun, sun
- Cat Power - The greatest
- Marit Larsen - Don´t save me
- Mary J Blige - The breakthrough
Filmar ein har sett:
- Brokeback Mountain
- Match Point
World Press Photo 2006 - ein del fine bilete
Om å gå ut av sitt gode sinn
sundag, 12. februar, 2006
R. laurdag, sal i veskebutikken
I dag vart det bestemt at eg skal ha min første time som terapeut om to veker, ein bør vel vere klar etter 3 1/2 år på psykologisk fakultet.
Omkalfatring av utsjånaden her står for tur - kvit skrift på svart bakgrunn, er det okei?
Måtte leggje Vaage på hylla, tok til på Wilson, eit slags nederlag.
Taj meg bak
laurdag, 11. februar, 2006
Ja, eg provar aa vere morosam. I dag drog vi til morrostaden Taj Mahal, maalet for utallege nyforelska utlendingar, og vart fort fortalt at denne dagen, og denne dagen berre, skulle brukast til aa skrape og male og fikse og styre i vatnet som heile stasen reflekterar seg i. No trur du kanskje eg seier dette for aa klage eller noko. Det gjer eg. Men smaatt om senn, skal eg, og no kjem eg til poenget, prove aa laste opp eit bilete derifraa, om ikkje saa altfor lenge (Delhi), og det trur eg kan vere til glede for baade stort og smaat, samt alle som kan like ei skikkeleg lang, lang setning. Altsaa, vegen til Agra? Dit hvor lyset bor!
Oh, Emmylou
laurdag, 4. februar, 2006
Var det mor di eg såg i Førde?
Nick Hornby, Ryan Adams, Dave Eggers & Emmylou Harris - dei er alle her. Til liks med alle andre rettruande er eg svært svak for vokalharmoniar i popmusikken. Eg meiner bestemt at Ryan Adams hadde eit av sine lysare augneblink då han skreiv “Oh my sweet Carolina” - kun overgått av seg sjølv då han fekk Emmylou Harris til å leggje harmoniar på - stort vakrare blir det nok ikkje. På mi endelause leiting etter vakrare koring kom eg over ein tekst på nettstaden til Dave Eggers (”A heartbreaking work of staggering genius” - som jo var ei fin bok) der Nick Hornby skriv om nett “Oh my sweet Carolina”. Denne teksten kom diverre ikkje med i den småfine boka (for oss som liker popmusikk) 31 Sanger - truleg då boktittelen allereie var bestemt.
Med andre ord: Hornby, hjå Eggers, om Adams & Harris.
Rastlaus ungdom 8000(TM)
laurdag, 4. februar, 2006
Det er fotografen sjølv som tek biletet
Det hender ein vert rastlaus. Det hender ein tek med kameraet ut i gatene. Det hender ein kjem heim att, litt mindre rastlaus. (Dette totalt inkjeseiande biletet er nummer åttetusen teke med mitt noverande kamera, det er god nok grunn til å poste det).
Ein rykker oppover (i etasjane)
fredag, 3. februar, 2006
Margrethe, Kristoffer & Karen-Merete
Då var vi på 2. avdeling, kontor, terapirom, pasientar og alt mogleg! Eg er så heldig å dele kontor med denne lystige trupp, her samla i terapisofaen. Det er vel på tide å anlegge heilskjegg og ei rekkje obskure vaner, gledelege tider indeed.
Moro, type lett
fredag, 3. februar, 2006
Alt er i boks
Oppskrift på lettsalta toskeskap:
Ein stykk bag, type stor
Tonje & Kristin
Solskin
Ich bin ein berlinerschnitzel
onsdag, 1. februar, 2006
Und ich spreche nicht gut deutch;) Tyskland vart bra det. Kjekt med bror 2 som guide og triveleg selskap. Må sei den karen veit mykje om Berlin, og stader å sjå. Fint for oss, og vonleg bra for han. Oppdaga at Norge ikkje er så stort som vi skal ha det til, og at det ikkje finst noko som heiter berlinerschnitzel! Alt ein går og trur at ein veit gitt. Alt i livet kan heller ikkje vere gratis, men ein svippom innom Berlin gjer seg;)