Easy E. held hovudet høgt heva heile høgtida

Håvard G. har jebuss i dag, grattis! Endre har starta å blogge igjen, det har Ingeborg òg. Bloggarkivet fungerer endeleg slik det skal, no kan ein lese alle innlegga til Gisle, Harald, Eli og meg sjølv. Svært gledelege nyhende for mannen i gata der altså.

Bror III tenner lysa før julemiddagen

Kom brått på tantetante sitt praktnummer – loppesirkuset – kan hende tida er moden for å bringe denne tradisjonen vidare?

Om du blir bortført av ein flokk albatrossar og kun får lov til å høyre ein song frå Anthony Hamilton sitt nye album «Ain´t nobody worryin´», så bør du absolutt velge fantastiske «Can´t let go»! Nok sagt.

Julafta morgon – syskenborn Å.

Så var ein godt – om enn noko brått – attende i gamle Bergen. Jula på Sandane var fin den, selskapslivet intenst, maten god, vegen glatt og himmelen stjerneklar. Ein fekk ikkje lest så mykje Hemingway/Hovland i boblebadekaret som ein ville tru, og singstarkonkurransane gjekk som oftast i underteikna sin disfavør, men så lenge diskoteket i biholene mine berre spelar klinesongar og held seg unna songar med doble basstrommer kan ein vel ikkje syte.

Åja, om jula hadde vart heilt til påske hadde eg nok blitt hundre.

Brørne Kling og Klang – Klang til høgre

Eg har, til liks med andre eg kjenner, låst meg heilt fast i Murakami-mursteinen Trekkoppfuglen. For å komme over kneika satsar eg på lystlesing av gamle travarar i julehelga:

Ragnar Hovland – Ei vinterreise
Ernest Hemingway – Samlede noveller
Olav H. Hauge – Dikt i samling
Raymond Chandler – Den lange søvnen

Dette er vel nærast eit rop om hjelp, så om nokon har tilrådingar på bokfronten så kom med dei!

Ma – midt i flyttinga

Då var alt klart for julereisa til Sandane. Gåver er kjøpt inn, dresskjortene nyvaska, kameraet funne fram, undulaten lodda ut og Grace Kelly er på TV.