Men pikslane mine skal du få billeg
Det har regna rimeleg jevnt og trutt i dag, det minner meg på at hausten ikkje er langt unna. Gjekk igjennom dei få bileta eg tok på vår lille utflukt til Masfjorden for ei par veker sidan, og posta eit fotosett på flickr. Prøver å få ordna opp i det som skal ordnast opp i, før eg let British Airways fly meg til varmare strok om ein liten månad. Trur elles at dei musikalske dvergane må ha flytta inn i nærleiken her, høyrer stadig einkvan som pustar i eit munnspel, dreg i eit trekkspel elller speler rytmegitar, men eg får aldri auge på dei.
oo, det var fargar! men sååg det slik ut der? eg vart nesten nyfiken på biletet, greit, eg er nyfiken på biletet. Likte òg det der du fiska, det er ikkje så gale skarpt om eg får sei det på sunnfjordsk. I denne stund lagar eg meg ein konto på flickr, berre sånn at eg fekk melda ifrå om det.
La meg omformulere litt; I denne stund vart eg klar over at eg hadde ein konto på flickr. Kremt.
Er trøytt. Svarar kort. Trur det såg slik ut ja, det var vel eigentleg ikkje noko syn for gudar, men det var fint. Hm, eg burde vel kanskje sprette 150 bols på ein pro-konto hjå flickr, men er redd eg kjem til å kaste vekk mykje tid der då.