Arkiv for august, 2005
Boulè!
laurdag, 27. august, 2005
Boulè er spelet vi fann på i sommar. Det er jo eigentleg boccia, men vi har sølvkuler. Dessuten var eg i Frankrike på studietur for to år sidan. Bli ikkje satt ut, vi spelar på gras. Vi er då nordmenn.
(more…)
Middagskvil
fredag, 26. august, 2005
Det er ikkje lenge igjen til Prosten flyttar frå huset. Eg har difor byrja å dokumentere daglegdagse ting verda ikkje kunne ha vore foruten. Middagskvil till exempel.
Den forunderlege teknologien
tysdag, 23. august, 2005
Som den kvikke nerd truleg allereie har fått med seg, tok Canon endeleg til vet og lanserte i går eit nytt fin-fint DSLR med det lite kledelege namnet EOS 5D. For berre tjuefem laken kan ein no få seg eit flunkande nytt fullformats DSLR - med andre ord er ein 50mm atter ein gang ein 50mm (og ikkje ein 75/82mm). Eg veit i alle høve kva kamera eg skal sjå etter på bruktmarknaden om eit par-tre år.
Pass dykk for skiten
laurdag, 20. august, 2005
Kom over dette på flickr. Eg kan berre håpe på at det står ta med seg skiten. Tenkte eg òg skulle ta med eit lite spørsmål som har vore diskutert blant ein god ven av meg. Han lurte sånn på kvifor vi syns det var rimeleg greit med saueskit og kuskit og hønseskit og hundeskit, ja, dyreskit på vegen o.l., medan ein klatt mannskit(som han så fint presisèrer) er ille. Verkeleg ille. Eg klarte ikkje å gje han eit fullgodt svar.
Men pikslane mine skal du få billeg
torsdag, 4. august, 2005
Det har regna rimeleg jevnt og trutt i dag, det minner meg på at hausten ikkje er langt unna. Gjekk igjennom dei få bileta eg tok på vår lille utflukt til Masfjorden for ei par veker sidan, og posta eit fotosett på flickr. Prøver å få ordna opp i det som skal ordnast opp i, før eg let British Airways fly meg til varmare strok om ein liten månad. Trur elles at dei musikalske dvergane må ha flytta inn i nærleiken her, høyrer stadig einkvan som pustar i eit munnspel, dreg i eit trekkspel elller speler rytmegitar, men eg får aldri auge på dei.
Eit komparativt studie i musikksmak
måndag, 1. august, 2005
Audiscrobbler kan brukast og misbrukast til så mangt. Eg prøver for tida å gjere meg til ven med dei gåtefulle øyene Trinidad & Tobago, som saman utgjer landet Trinidad og Tobago. I dag er eg komt til musikksmak. Som vi alle veit blir Trinidad rekna for å vere både socaen og calypsoens fødestad (mens Tobago er fødestaden til dei gigantiske lærskilpaddene) vi veit òg at eg aldri kjem til å bli riven med i den lokale dansegruppa. Likevel, musikk opptek meg til ein viss grad, difor nytta eg data (kan hende ikkje særs representative data, men data likevel) frå den før nevnte audioscrobblerdatabasen for å få ei rudimentær oversikt over kor landet ligg. Her følgjer ei kort oppsummering av dei mest spelte artistane i hhv. Norge og Trinidad/Tobago ei tilfeldig valgt veke i juli 2005.
Først Norge:
1. System of a Down
2. Metallica
3. Coldplay
4. Pink Floyd
1. Jimi Hendrix
2. Nancy Sinatra
3. Jay-Z
4. The Beatles
Det første som slår meg er at dei openbert har betre musikksmak der nede i utlandet (ah, som musikk i mine øyrer). Vidare ser det ut til at dei er særs opptekne av tretti år gamal musikk, når eg tenkjer meg om har eg lest i “Rough guide to Trinidad & Tobago” at allting går litt seinare nede ved ekvator, då heng det kanskje på greip likevel.
I alle høve, eg ser fram til å lære meir om desse mjuke øyene.