H for hemmeleg agent
Skrive av Arild den 14. juli 2005
Mellom regnskylla har vi hatt nokre dagar med strålande sol - desse dagane må sjølvsagt takast vare på så godt som mogleg. Etter mange års røynsle med fåtallige soldagar har eg landa på at nokre av desse dagane godt kan nyttast til slanging i parken. Mellom laust prat, bocciaspeling og slumring er det alltid fint å forville seg inn i ei bok. Smått tilfeldig eller ei, i sommar har det blitt mykje som laust kan kategoriserast som detektivromanar eller krim. Carl Hiaasen svikter jo aldri (eg bruker kvar ei ledig stund til å prakke ei av Hiaasen-bøkene mine på ein eller annan stakkar), i tillegg har vi Graham Greene (Vår mann i Havana) og Carlos Riuz Safòn (Vindens skygge). Det ser med andre ord ut til å bli ein heller lett sommar på bokfronten, så får eg heller dra med meg nokre tungvektarar til Trinidad til hausten. (biletet er sjølvsagt frå bokbyen).
Loading ...
Skriv ein kommentar