Vidare, alltid vidare
Skrive av Arild den 31. mars 2005
Det er rart med det, først var det Jubeltelegrafen, så, nokre månader seinare dukka Lang dags ferd mot fnatt opp, og no sprett plutseleg Ein Augneblink i veiret. Stadig nye påfunn frå denne fusentastaren.
Ein Augneblink er meint som ein reinspikka fotologg - helst skal eg klare å poste eit nytt/gamalt bilete kvar dag - så får vi sjå om det er gjennomførbart. Det er sjølvsagt lov å spele på resultatet (dårlege odds nett no).
Elles kan eg nemne at sola har forvandla meg til ein dansk livsnytar. Har lese psykiatri på dansk i parken i dag og hatt årets første frisbee-økt med H. (min raude - og svært kjære - frisbee vart diverre øydelagd, alt eg kan seie er at det ikkje var eg som gjorde det, så får dåkke detektivane trekkje ein konklusjon eller to opp av baklomma)
Loading ...
Skriv ein kommentar