Arkiv for oktober, 2004
Om eg var ein vismann - sudel-duddel-duddel-li..
torsdag, 28. oktober, 2004
Ein prøver etter fattig evne å få knota ned ei teoretisk oppgåve om kognisjon. Det viser seg plutseleg at ein sit og skriv om generelle metafysiske teoriar om sjelas ontologi - og det kan no ikkje vere så gale.
..som musikk i mine øyrer
onsdag, 27. oktober, 2004
Ved siste oppteljing viser det seg at dette er den musikken eg har prøvehøyrd dei to siste vekene:
A girl called Eddy
Ben Harper & the blind boys of Alabama - There will be a light
Jill Scott - Beautifully human
Beverly Knight - Affirmation
Talib Kweli - The beautiful struggle
Thomas Dybdahl - One day you’ll dance for me, NYC
Natalie Gardiner
Kort oppsummert kan ein seie at A girl called Eddy var litt skuffande ut i frå det lille eg fekk høyre i vår - ‘litt’ Aimee Mann, men berre litt. Knight var òg litt skuffande, sjølv utan dei heilt store forventningane i utgangspunktet. Kweli var likeeins. Når det gjeld Dybdahl er juryen framleis ute (ingen “From grace” på det nye albumet, diverre). Gardiner sin debut var småfin, men ikkje meir - bortsett frå “For your love” som er fin. Jill Scott-plata er ein del betre, men framleis litt ujevn, likte kanskje spesielt sistesporet - Bedda at home.
Så kjem vi til pokalvinnarane, Ben Harper og the blind boys of Alabama, har høyrt lite på Harper tidlegare, men denne plata var verkeleg fin, mykje av æra går nok til blindingane (som visstnok har holdt det gåande sidan 1938 eller noko slikt…). Om ein ikkje får ei ny Solomon Burke-plate no så får ein klare seg med denne, spesielt spora “There will be a light” og “Picture of Jesus”.
Elles går det framleis ein del i enkeltsongar av Gillian Welch - helst grusomt vakre “Everything is free” og harmonihimmelen “Wind & Rain” (med David Rawlings og David Steele). Ah, nye - gode plater er som musikk i mine øyrer.
Leverpostei, saft, skytestreng
tysdag, 26. oktober, 2004
Eg trur eg tør seie at det har skjedd ei endring, då eg var mindre såg eg ikkje noko gale i å kombinere skiver med leverpostei og raud saft, vidare hadde eg lommene fulle av skytestreng.
No et eg ikkje leverpostei lenger, drikk sjeldan raud saft - og eg har ikkje ei einaste lomme full av skytestreng.
Sminketips
laurdag, 16. oktober, 2004
Det er ikkje lett å følgje med i dei stadig svingande sminketrendane, er det jappe-punk eller rocke-chic som gjeld nett no? Når ein kjem opp i slike eksistensielle uføre er det godt å vite at ein alltid har VG å støtte seg på. Dei melder i dag at det er følgjande sminketrender som er gjeldande i haust:
Takk VG, mitt sminkekompass!
Nett no er det nok nett
onsdag, 13. oktober, 2004
Greit, det kjem ein dag i ein kvar manns liv der han må setje foten ned - og stå på den, stikke fingeren i jorda før tela kjem og generelt sett vere vrang og vanskeleg mot seg sjølv. Den dagen var i går, så no kan vi atter slappe av.
Nei, det er på tide å gjere som Cato Zahl-Pedersen og ta skeia i ei anna hand, slutte og klaske neve og halde fingrane frå tastaturet. Det er med andre ord tid for nettfri veke. Ja, du høyrde rett. Eg, Arild, kåra til evnerik EDB-ungdom tre år på rad (med tilhøyrande vandrepokal til odel og eige) lover å halde meg unna sanselaus surfing i sju dagar - ei heil veke.
Frå måndag 18. november til og med sundag 24. november skal eg halde min sti rein, vende det andre kinnet til, løyse kreftgåta - ja, alt mogleg anna enn å surfe. Eg skal la nullarar og einarar segle sin eigen sjø, medan eg glad og nøgd kastar meg over bøkene med kognitiv nevrovitskap. Det skal bli ei sann lise.
Neste prosjekt:
Frå eit liv med jus og brus til eit liv i sus og dus - Arild kokkelerer
Fotomesse i løvehola
tysdag, 12. oktober, 2004
Tradisjonen tru arrangerer dei arge mannfolka hjå Ur og Foto ei fotomesse i galleri Nygaten no til helga, grunna utanomekteskapelege forhold (dvs. forhold som ikkje har noko å gjere med ekteskap) kan ikkje eg stille. Det er sjølvsagt mest leit for min del, då eg hadde planar om å få lurt til meg litt billeg film og kanskje fingra litt på nokre dyre objektiv. Det eg lurer på er om det ikkje er nokre andre som skal, og om ikkje desse kanskje kunne fingra litt for meg, og - ikkje minst - fått smugla med seg litt Ilford-film eller liknande. Eg ville vore takknemleg i fleire minutt for dette.
Cellulosen vender tilbake, III
tysdag, 12. oktober, 2004
Ah, alltid fleire bøker. Det er mogleg at det er hausten som gjer det, ikkje veit eg, men det hopar seg i alle fall opp med bøker her heime. Nett no flyt det rundt bøker over alt, ser ut som ein bokbåt i hardt veir. Berre den siste veka har eg fått desse bøkene i hende:
- On being a photographer av konnosørane Bill Jay og David Hurn
- Frys - vellykket nedfrysing av Herr Moro av Roy Anderson med fleire
- Truman Capote - Frokost på Tiffany (har lest den før)
- The Daybooks of Edward Weston (visstnok eit klassisk verk)
- Bystander: A history of street photography av monsørane Westerbeck & Meyerowitz
- The rediscovery of the mind av kranglefilosofen John R. Searle
Vidare har eg lånt meg In the american west og An autobiography av Avedon, samt sjølvmord i skilpaddekafeen og Vegen smal og porten trang av R. H. Og som om ikkje det var nok kjem Susan Sontags On photography i norsk versjon om nokre dagar.
Det eg eigentleg prøver på er å lese ferdig Dans, dans, dans av Murakami - men eg ser at det kan bli ei stund til enno.
Konstig intelligens
fredag, 8. oktober, 2004
I samband ei semesteroppgåve om grunnlagsproblematikk og psykologi som vitskap datt eg over ei side om kunstig intelligens. Mellom anna spurde eg “roboten”A.L.I.C.E om hjelp til oppgåva. Her følgjer utdrag frå samtalen:
Human: Should we study the mind as if it were an objective entity?
ALICE: Only you can answer that.
Human: That’s not of much help
ALICE: How about that. Please correct my mistake. What is of much help?
Human: I asked about how we should study the mind, any ideas?
ALICE: What is it to you.
Does it have anything to do with Your good looks?
Veit ikkje kva eg skal seie til det, anna enn at det känns ju lite konstigt.
Det er haust - ein bør lese bøker skrive av menn
torsdag, 7. oktober, 2004
Kom over eit par bøker eg fekk lyst på i dag, først og fremst fekk eg lyst på “Frys - Vellykket nedfrysing av Herr Moro” av trekløveret Roy Andersson, Kalle Bomann og Istvan Borbas, diverre hadde ikkje Norli/F-Beyer denne inne. Vidare kom eg tilfeldigvis over Peter Larsen si bok om fotohistorie, Album, denne såg ut som noko ein kunne bruke litt tid på, men den var alt anna enn gratis.
Vidare må eg hugse å snuse rundt etter Richard Avedon - In the American West eller An Autobiography, helst den førstnemnde.
Har elles lese “Ei fullstendig oversikt over rockens historie i Fusa kommune”, skrive av ein ung og lovande vestlandsforfattar.
Mitt liv er flaum
torsdag, 7. oktober, 2004
Vel, dårlege biografiordspel til side, ville berre nemne at sjeldan har så mange vore så våte, over så lang tid. Det har med andre ord regna så folk har fått fått vatn i øyret, vatn i kneet, vatn i munnen og våte draumar om sol og sommar. Ikkje eit auge har vore tørt den siste veka, mellom anna har brødrene Everly grete mykje.
Eg trur rett og slett ein blir litt mannevond av Ã¥ alltid vere vÃ¥t og kald pÃ¥ beina. NÃ¥r det gjeld bergensarar anar eg ei kopling mellom ugreit humør og lÃ¥ge sko - (lÃ¥ge sko tek som kjent inn meir vatn enn Blücher og Titanic til saman). Til lÃ¥gare sko til dÃ¥rlegare humør - sÃ¥ kan ein berre tenkje seg kor godt humør det var i Bergen pÃ¥ syttitalet - dÃ¥ alle gjekk rundt med platÃ¥sko og var generelt “høge”.
Lukka er ei kopimaskin
torsdag, 7. oktober, 2004
…for dÃ¥ kan ein stensilere opp nokre fotostatkopiar.
Det er haust - ein b�r h�yre p� syngjande jenter
onsdag, 6. oktober, 2004
Musikk eg har planar om å høyre på dei aller næraste dagane:
-
Rachel Goswell
A girl called Eddy
Natalie Gardiner
Kari Bremnes
Cecilie Nordby